Со особено задоволство имаме чест да Ве известиме дека на ден 02.07.2013 година на интернет страницата на Меѓународното Биро за тегови и мери – BIPM е објавен првиот сет на калибрационите и мерните можности (способности) – CMCs  испратен од Лабораторијата за калибрација на мерила за зафатнина и проток, Биро за метрологија – Министерство за економија. Република Македонија преку Биро за метрологија – Министерство за економија за прв пат ги внесе своите калибрациони и метролошки можности во базата на податоци на клучни споредби (KCDB) во Меѓународното биро за тегови и мери (BIPM).
Ова практично значи меѓународното признавање на калибрационите и мерните можности на Бирото за метрологија – Министерство за економија за мерните подрачја наведени во одобрената и објавена табела во базата на податоци на клучни споредби (KCDB) во Меѓународното биро за тегови и мери (BIPM).
Република Македонија на 10.10.2006 година стана придружен член на генералната конференција за тегови и мери (CGPM). На 14.11.2007 година Бирото за метрологија – Министерство за економија го потпиша Аранжманот за меѓународно признавање на калибрационите сертификати (CIPM MRA) и со тоа Република Македонија стана член на заедницата на држави (досега 92 држави) кои меѓусебно една на друга си ги признаваат државните еталони и сертификатите кои ги издаваат државните институти за метрологија. Бирото за метрологија – Министерство за економија и Република Македонија со ова објавување на нашите први CMCs – и практично стана дел од единствениот светски метролошки систем. Еталоните, сертификатите за калибрација и следливоста на Бирото за метрологија – Министерство за економија во областа зафатнина на течности и зафатнински проток на вода од 02.07.2013 година станаа признати во целиот свет. Сите мерења во Македонија кои својата следливост ја остваруваат преку зафатнина и проток (кога мерилата со кои ќе се изведуваат мерењата ќе бидат калибрирани во Бирото за метрологија – Министерство за економија) ќе можат почнувајќи од 02.07.2013 година да докажат дека се дел од светски признаен метролошки систем.

Ве упатуваме на следниов линк:

http://kcdb.bipm.org/appendixc/country_list_search.asp?countselected=MK&type=M

ВАШИТЕ МЕРЕЊА НАПРАВЕТЕ ГИ ВО МАКЕДОНИЈА!