Лабораторија за маса

---

Лабораторијата за маса од јануари, 2012 год. има запишано калибрациони и мерни можности (CMC`s) во дата базата на BIPM (KCDB BIPM) за калибрација на тегови во опсег 1mg–20kg, и издава сертификати за калибрација под логото на CIPM MRA (Меѓународен аранжман за меѓусебно признавање на сертификатите за калибрација во целиот свет).
https://www.bipm.org/kcdb/cmc. Во истиот тој опсег врши и калибрација на неавтоматски ваги, со класа на точност од I, II и III.

Основна цел на лабораторијата е чување и одржување на следливоста на референтните еталони (тегови) на меѓународно ниво, преку нивна директна компарација со еталони за маса од други признати метролошки институти и лаборатории, следливи со меѓународниот прототип за килограм во Меѓународното Биро за мери и тегови (Bureau International des Poids et Mesures), што се наоѓа во Париз, Франција.
Остварувањето на SI единицата за маса, како физичка макроскопска величина е многу тешко и поради тоа, националниот еталон за маса е остварен на ниво на референтен еталон, за кој е потребно обезбедување на следливост.
Признавањето на национален еталон за маса од E1 класа (Решение бр. 0302-2054/4, од 22.06.2009), претставува основа за понатамошен развој и подобро дефинирање на националниот еталон од повисока класа.
Лабораторијата за маса учествувала во низа меѓународни меѓулабораториски споредби и EURAMET проекти, преку кои постојано ја потврдува и подобрува својата мерна можност.
Со учество во EMPIR проектот за десеминацијата на килограмот (разделување и умножување), лабораторијата во иднина ќе обезбеди поекономичен пренос на SI мерната единица за маса (само еден еталон) и следливост на еталоните на сите национални метролошки лаборатории, кои зависат од SI единицата за маса (притисок, густина, волумен, проток).
Со калибрација на мерната опрема на лабораториите за тестирање и другите метролошки лаборатории и со издавање на сертификати за калибрација, лабораторијата за маса дава и ја одржува мерната следливост на сите еталони од пониска класа во државата и во регионот.

Одговорно лице во лабораторијата:

Д-р Бианка Мангутова-Стоилковска

bianka.stoilkovska@bom.gov.mk

контакт тел: 2403-676 локал: 124

моб. тел: +389 75 45 60 96