Состанок со преставници од Амбасадата на Р.Кина во Скопје, во просториите на Бирото за метрологија, тема: Електрични возила и борба против загадувањето
На 04.02.2025, во канцелариите на Бирото за метрологија, беше на посета економскиот советник на Амбасадата на Народна Република на Кина, г-дин Хе Бингхуа.Тема на разговорот беше можноста за увоз на електрични возила.
Се разговараше за критериумите за увоз на електрични возила од Р.Кина. При тоа се објасни дека Р.С.Македонија како кандидат членка на Европската Унија е должна да ги применува прописите на Европската Унија. Се објасни дека постапката н Хомологација при која се бара сите возила да исполнуваат одредени технички барања е во насока на добивање на сигурен и квалитетен производ. Бирото за метрологија како спроведувач на Законот за возила појасни дека во областа одобрување на возила има три постулати врз чии темели се базира постапката на Хомологација, а тоа се: Заштита на човековата околина, безбедноста и заштитата од кражба. На преставниците на Кинеската амбасада им беа дадени насоките како и кои директиви важат при одобрување на возилата, а се потребни за увоз во Р.С.Македонија. Истотака се презентираше дека веќе десетина брендови се присутни на Македонскиот пазар кои ги поседуваат потребните Европски одобренија.
