Лабораториите за калибрација на Бирото за метрологија го зголемија опсегот на акредитација за уште три величини – релативна влага, акустични мерења и електрични големини. По успешно помината надзорна оцена со проширување на акредитацијата согласно МКС EN ISO/IEC 17025, извршен од страна на Институтот за акредитација на Република Македонија и технички експерти во горенаведените области од област од Дирекција за мерки и скапоцени метали –Национален Метролошки Институт на Република Србија.
На 17 Ноември 2015, директорот на Бирото за метрологија, м-р Димитар Парнарџиев и Деканот на Факултетот за електротехника и информациски технологии во состав на Универзитетот Св. Кирил и Методиј, Проф. д-р Миле Станковски потпишаа Меморандум за соработка.
Со овој Меморандум се утврдува рамката во која се реализира соработката меѓу потписниците за работи од заеднички интерес базирани на искористувањето на научно-стручните, професионалните, материјално-техничките и просторните услови на една од двете странки насочени кон унапредувањето на едукативните, истражувачките и апликативните активности од областа на метрологијата, електротехниката и информациските технологии.
Главните области предвидени со Меморандумот за разбирање што денес беше потпишан се унапредувањето на соработката во размена на знаења, учество во научно-истражувачки проекти и проекти на меѓулабораториски споредби и трансфер на знаење преку организација на обуки на вработените и учество на семинари како и развој и воведување на нови методи и мерни техники во секојдневната работа.
Во период од 16.10 до 18.10.2015 година во Хотел Манастир - Берово беше одржан Теам Билдинг на вработените од Бирото за метрологија, каде беше одржано советување и обуки на вработените од Бирото за метрологија.
Обуката беше организирана од страна на Мотива - центар за менаџмент консалтинг образование и обука на тема "Комуникација со корисници и испорака на врвна услуга, управување со време и зголемување на продуктивноста на работно место".
